Kerala Girl Molestation in Railway traveling to Goa: पूर्णा एक्‍सप्रेस रेल्वेतून केरळहून गोव्‍यात येणार्‍या एका केरळी महिलेचा अश्लील हावभाव करून विनयभंग करणाऱ्या एकास कोकण रेल्वे पोलिसांनी अटक केली आहे.

मडगाव रेल्वे स्थानकावर ही कारवाई करण्यात आली. दत्तात्रय चव्‍हाण (वय ४७) असे संबंधित संशयिताचे नाव आहे. तो मूळचा कन्नूर (केरळ) येथील रहिवासी आहे.

हा प्रकार पहाटे 1.30 वाजण्‍याच्‍या सुमारास घडला. ही महिला आपल्‍या दोन पुरुष मित्रांसोबत गोव्‍यात येत होती. रात्री ती झोपलेली असताना संशयित दत्तात्रय चव्हाण हा तिच्‍या बर्थजवळ गेला. त्याने तिच्याशी विक्षिप्‍त प्रकार केला. या महिलेच्या मित्राने हटकताच तो पळून गेला.

ही गाडी मडगावला पोहोचल्‍यावर पोलीस निरीक्षक सुनील गुडलर यांच्‍या नेतृत्‍वाखाली सहाय्‍यक उपनिरीक्षक गोम्‍स, हवालदार मिंगेल वाझ, पोलीस शिपाई कुलदीप गावकर आणि महिला पोलीस शिपाई नीता कवळेकर यांनी त्‍वरित शोधाशोध करीत आरोपीला पकडले.