Margao Bus Stand in Bad Condition: मडगाव बसस्थानक सध्या अत्यंत वाईट परिस्थितीत आहे. गेल्या काही वर्षांपासून स्थानक दयनीय स्थितीत आहे. आता तर प्रवेश करताना आणि बाहेर पडताना मुख्य रस्ता अत्यंत वाईट अवस्थेत आहे.

रस्त्याच्या या परिस्थितीमुळे वाहनचालक तसेच प्रवाशांना त्रास सहन करावा लागत आहे. माहितीनुसार, बसस्थानकाच्या अंतर्गत रस्त्यांच्या डांबरीकरणाचा सुमारे 66 लाखांचा प्रस्ताव यापूर्वीच पाठविला आहे. मात्र तो मंजुरीसाठी प्रलंबित असून मुख्य कार्यालयाला मडगाव बसस्थानकाच्या परिस्थितीची पूर्ण माहिती आहे.

मात्र तरीही यावर अद्याप कृतीला सुरुवात झालेली नाही.

2011 मध्ये तत्कालीन मुख्यमंत्री दिगंबर कामत यांच्या नेतृत्वाखाली नवीन अत्याधुनिक बसस्टँड आणि ट्रान्सपोर्ट हबच्या बांधकामाची पायाभरणी केली होती, परंतु 12 वर्षानंतरही युनिटचे स्वप्न अपूर्णच राहिले आहे.