म्हापसा येथील जागृत देवस्थान असलेल्या श्री देव बोडगेश्वर संस्थानात चोरीचा खळबळजनक प्रकार उघडकीस आला. याप्रकरणी म्हापसा पोलिसांनी सागर शिंदे (४०) व आनंद नाईक (४०) राहणारे म्हापसा व मूळचे कर्नाटक या दोघा संशयितांना अटक केली. संशयित मोलमजुरीचे काम करतात.
पोलिसांनी दिलेल्या माहितीनुसार, चोरीची घटना आज बुधवारी (ता.२८) पहाटे ४.३०च्या सुमारास घडली. वरील दोन्ही संशयितांनी मंदिराच्या प्रांगणात असलेल्या काचेच्या पादुका पेटीमधील जवळपास सहा हजार रुपये लंपास केले.
यावेळी आवाज आल्याने सुरक्षा रक्षकाने आरडाओरड करण्यास सुरवात केली, तेव्हा चोरट्यांनी तिथून धूम ठोकली. पोलिसांनी सीसीटीव्ही फुटेजद्वारे या चोरांचा शोध घेतला असता, अवघ्या काही तासांत टॅक्सी स्टॅण्ड तसेच मार्केट परिसरातून संशयितांना ताब्यात घेतले. कसून चौकशीनंतर संशयितांनी चोरीची कुबली दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.