बार्देश: म्हापशातील जागृत व हाकेला पावणारा श्री देव बोडगेश्वरचा ९१ वा महान जत्रोत्सव शुक्रवार, २ जानेवारी २०२६ रोजी साजरा होणार आहे. या देवस्थानाचा ३३ वा वर्धापनदिन, १ जानेवारी रोजी होणार आहे. यानिमित्त दि. १ ते ८ जानेवारी असे आठ दिवस विविध धार्मिक व सांस्कृतिक कार्यक्रमांचे आयोजन केले आहे.

गुरुवार, १ रोजी १० वा. श्री देव बोडगेश्वरच्या मूर्ती प्रतिष्ठापनेचा ३३ वर्धापनदिनानिमित्त मंदिरात सकाळी लघुरुद्र, पूजा, आरती, सायं. ५ वा. श्री म्हात्राई काळभैरव महिला भजनी मंडळाचे भजन होईल. सायं. ७ वा. सुवासिनींतर्फे दीपोत्सव, रात्री ८.३० वा. ओम सत्यसाई सेवा मंडळातर्फे भजन होईल.

शुक्रवार, २ रोजी दु. १२ वा. श्री देव बोडगेश्वराच्या ९१ व्या महान जत्रोत्सव सुरू होईल.सायं. ५.३० वा. स्वर भगिनी प्रस्तुत अभंग, भावगीत व नाट्यगीत गायनाचा कार्यक्रम सायं. ७.३० वा. ‘गीतबहार’ हा कार्यक्रम होईल. रात्री १२ वा. दशावतारी नाटक ‘मायाजाल’ होईल. शनिवार, ३ रोजी १० वा. देवस्थानतर्फे श्री सत्यनारायण महापूजा, सायं. ५.३० वा. भजन, ७.३० वा. ‘फुलले रे क्षण माझे’ हा कार्यक्रम होईल.

रविवार, ४ रोजी १० वा. ‘पिकअप-ड्रायव्हर’तर्फे श्री सत्यनारायणपूजा, सायं. ५.३० वा. ''संगीत संध्या'' कार्यक्रम, सायं. ७.३० वा. ‘स्वरधारा’ कार्यक्रम होईल. मंगळवार, ६ रोजी सकाळी १० वा. ‘रिक्षा-ड्रायव्हर’ (कदंब स्टॅंड) तर्फे श्री सत्यनारायण महापूजा, सायं ५.३० वा. ‘नृत्य मार्ग’ होईल. सायं. ७.३० वा. ‘स्वर गंधार’ कार्यक्रम होईल.

बुधवार, ७ रोजी १० वा. म्हापसा पालिकेतर्फे श्री सत्यनारायण महापूजा, सायं. ५.३० वा.भक्तीगीत कार्यक्रम होईल. सायं. ७.३० वा. ‘स्वर ईश्वर’ कार्यक्रम होईल. गुरुवार, ८ रोजी १० वा. म्हापसा भाजी विक्रेत्यांतर्फे श्री सत्यनारायण महापूजा, सायं. ५.३० वा. आराधना नृत्य कला केंद्र रक्षेदा महेंद्र आमोणकर प्रस्तुत शास्त्रीय व उपशास्त्रीय नृत्याविष्कार, सायं. ७.३० वा. सांज सूरांची गायन कार्यक्रम होईल.

सोमवारी वेशभूषा स्पर्धा

सोमवार, ५ रोजी सकाळी १० वा. म्हापशातील मासळी विक्रेत्यांतर्फे श्री सत्यनारायणपूजा, सायं. ५ वा. वेशभूषा स्पर्धा होईल. (वयोगट ते ९ व १० ते १४) स्पर्धेची बक्षिसे अनुक्रमे रु.३ हजार, रु. २५००, रु.२ हजार, रु.१ हजार २ उत्तेजनार्थ बक्षिसे देण्यात येतील. (स्पर्धकांनी संध्या ४ वा. हजर राहावे). सायं. ७ वा. निधी स्कूल ऑफ डान्स यांचे भरतनाट्यम् होईल. रात्री ८.३० वा. ‘स्वर अनंत’ कार्यक्रम होईल. दररोज दुपारी १ वा. महाप्रसाद होईल.