Mapusa Municipality: म्‍हापसा नगरपालिकेच्या उपनगराध्यक्षपदासाठी येत्या बुधवार दि. 15 फेब्रुवारीला निवडणूक होणार आहे. चंद्रशेखर बेनकर यांचा उपनगराध्यक्षपदाचा राजीनामा मंजूर झाल्‍यानंतर आता पालिका संचालकांनी या निवडणुकीसंदर्भात नोटीस जारी केली आहे.

सत्ताधारी गटाकडून नगरसेवक विराज फडके यांच्‍या नावावर शिक्कामोर्तब करण्‍यात आले आहे.

मिळलेल्‍या माहितीनुसार, 15 फेब्रुवारीला सकाळी 11 वाजता पालिकेच्या सभागृहात डीएमएने बैठक बोलावली असून तिथे उपनगराध्यक्षपदासाठी निवडणूक होणार आहे.

सत्ताधारी गटाकडून नगरसेवक विराज फडके यांचे नाव उमेदवार म्हणून निश्चित केल्याचे समजते तर विरोधी गटाकडून कुणी अर्ज करणार का, याबाबत प्रश्नचिन्ह आहे. सध्या सत्ताधाऱ्यांकडे एकूण 20 पैकी 14 नगरसेवकांचे संख्याबळ आहे.

दरम्‍यान, अलीकडेच नगराध्यक्षपदासाठी झालेल्या निवडणुकीसाठी विरोधी गटाकडून उमेदवारी दाखल झाली नव्हती. त्यामुळे सत्ताधारी गटाच्या प्रिया मिशाळ यांची नगराध्यक्षा म्हणून बिनविरोधी निवड झाली होती.