Venzy Viegas Dainik Gomantak
गोवा

खलाशांची पेन्‍शन योजना कायमस्‍वरूपी करा - वेन्‍झी व्हिएगस

वेन्‍झी व्हिएगस यांचा खासगी ठराव: सरदेसाई, बोरकरांचे समर्थन

दैनिक गोमन्तक

पणजी: ज्‍येष्ठ गोमंतकीय दर्यावर्दी आणि त्‍यांच्‍या विधवा पत्‍नीसाठी गोवा कल्‍याण योजनेद्वारे मिळणारी पेन्‍शन कायमस्‍वरुपी लागू करावी, असा खासगी ठराव आमदार वेन्‍झी व्हिएगस यांनी मांडला. तसेच समाज कल्‍याण खाते आणि अनिवासी भारतीय विभाग यांच्‍यात योग्‍य तो समन्‍वय साधून याचबरोबर दयानंद सामाजिक सुरक्षा योजनेशी सुसंगपणे ही योजना कायमस्‍वरुपी लागू करावी, अशी मागणी आमदार वेन्झी व्हिएगस यांनी या ठरावाद्वारे केली. त्यांच्या मागणीला सरदेसाई, बोरकरांनीही समर्थन दिले. (Make sailors' pension scheme permanent - Venzy Viegas )

या ठरावाच्‍या बाजूने बोलताना आमदार विजय सरदेसाई म्‍हणाले, दर्यावर्दींसाठी असलेली पेन्‍शन योजना नोव्‍हेंबर 2022 मध्ये संपणार आहे. या योजनेत अनियिमितता आहे. गेल्‍या दीड वर्षांपासून या योजनेचे पैसे मिळालेले नाहीत. गोमंतकीय दर्यावर्दींमुळे राज्‍याला विदेशी चलन प्राप्‍त होते. यातून महसूल मिळतो. यामुळे अर्थव्‍यवस्‍थेला चालना मिळते. तरीही ज्‍येष्ठ दर्यावर्दी आणि त्‍यांच्‍या विधवा पत्‍नीस मिळणारी ही योजना सुरळीत नाही. सरकारने याकडे तातडीने लक्ष द्यावे, असे सरदेसाई म्‍हणाले.

आमदार विरेश बोरकर म्‍हणाले, ही योजना वारंवार बंद पडते. कधी पैसे मिळतात तर कधी मिळत नाहीत. यामुळे दर्यावर्दींवर अन्‍याय होत असून सरकारने त्‍यांना न्‍याय द्यावा. आमदार दिगंबर कामत म्‍हणाले, ही योजना सुरू झाली, तेव्‍हा ती कायमस्‍वरुपी असावी, अशी सर्वांची भावना होती. प्रत्‍यक्षात तसे घडले नाही. दरवर्षी ती नूतनीकरण केली जाते. दर्यावर्दी पेन्‍शन मिळत नाही. सरकारने संबंधित सर्व खात्‍यांचा योग्‍य तो मेळ घालून ही योजना कायमस्‍वरुपी करावी.

आमदार एल्‍टन डिकॉस्‍टा म्‍हणाले, माझे वडील एक दर्यावर्दी होते. दर्यावर्दी आपल्‍या कुटूंबापासून दूर राहून काम करतात. वर्षांतील सहा-आठ महिने समुद्रात असतात. जीवावर उदार होऊन ते काम करतात. ते आपल्‍या कुटूंबास पैसे पाठवातात. यातून सरकारला विदेशी चलन प्राप्‍त होते. तसेच महसूलही मिळतो. दर्यावर्दींचा सहानुभूतीपूर्वक विचार करून त्‍यांना कायमस्‍वरुपी पेन्‍शन द्यावी, अशी सूचना त्‍यांनी केली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT