मडगाव: माजोर्डा येथील धीरयो प्रकरणातील दोन संशयित जे सध्या अमेरिकेत आहेत, त्यांच्यावर लुकआउट नोटीस जारी करण्यात येणार आहे. त्यासंबंधी सध्या प्रक्रिया सुरू झाली असून, त्यांच्या बँक खात्याची माहितीही पोलिस गोळा करीत आहेत.

दरम्यान, या धीरयोप्रकरणी कोलवा पोलिस ठाण्याचे दोन पोलिस गोत्यात आले आहेत. बीटची जबाबदारी असलेल्या या दोघांवर आता कारवाई अटळ असून, ते निलंबित होण्याची शक्यता आहे.

दक्षिण गोवा पोलिस अधीक्षक टीकम सिंग वर्मा यांनी हे प्रकरण अत्यंत गांभीर्याने घेतले असून, त्या दोन पोलिसांसंबंधी अहवाल सादर करण्यास कोलवा पोलिस ठाण्याचे पोलिस निरीक्षक विक्रम नाईक यांना बजावले आहे. या प्रकरणातील एक संशयित कुडतरीचे माजी पंचसदस्य रुई मिनेझिस हे सध्या फरार आहेत. त्‍यांचा सध्या पोलिस शोध घेत आहे. त्याच्या घरीही तपासणी केली असता, ते सापडू शकले नाहीत, अशी माहिती पोलिसांनी दिली.

हल्ल्यात राजेश निस्तानी हे गंभीर जखमी झाले आणि त्यांचा जागीच मृत्यू झाला. त्यांच्यासोबत असलेले अन्य काहीजण या हल्ल्यात जखमी झाले. जखमींना तातडीने उपचारासाठी रुग्णालयात (Hospital) हलवण्यात आले असून त्यांच्यावर उपचार सुरु आहेत.