म्हापा - पंचवाडी येथे पाणी प्रक्रिया प्रकल्प आहे. या प्रकल्पामध्ये क्लोरिन लिकेज असल्याची माहिती समोर आली होती. हे लिकेज काढताना 4 कामगार गुदमरले असून, प्रकृती अत्यावस्थेमुळे त्यांना जवळच्या रुग्णालयात दाखल करण्यात आल्याची माहिती समोर आली आहे.

(Major accident due to chlorine leakage in panchwadi WTP project)

मिळालेल्या माहितीनुसार म्हापा - पंचवाडी येथे पाणी प्रक्रिया प्रकल्प आहे. या प्रकल्पात क्लोरिनची लिकेज झाले होते. याचा प्रकल्पाच्या कार्यक्षमेवर परिणाम होत असल्याने ते काढण्याच्या प्रयत्नात असलेले चार कामगार गुदमरले असल्याची माहिती समोर आली आहे. त्यांना मडगांव येथील रुग्णालयात दाखल करण्यात आले आहे.

रात्री उशिरा ही घटना घडली असून रुग्णालयात दाखल केलेल्या कामगारांची प्रकृती सध्या स्थिर असून त्यांच्यावर उपचार सुरु आहेत. मात्र कामगारांनी लिकेज काढताना सर्व काळजी घेतली होती. अशी प्राथमिक माहिती समोर आली आहे. तरीही ही घटना घडलीच कशी? याचे उत्तर अद्याप मिळालेले नाही. मात्र कामगारांकडून याची माहिती घ्यावी लागणार असल्याचं काही अधिकाऱ्यांनी म्हटले आहे. या घटनेतील कामगारांची नावे समजू शकलेली नाहीत.