पणजी: पोलिस खात्यातील शिपाई बेपत्ता झाल्यानंतर त्याचा शोध पोलिस खाते लावू शकलेले नाही. अखेर त्याला विनापरवानगी कामावर गैरहजर राहिल्याप्रकरणी बडतर्फ करण्यासाठी नोटीस बजावण्यात आली आहे.
पोलिसांतून मिळालेल्या माहितीनुसार, मायणा कुडतरी पोलिस ठाण्यातील शिपाई सनी शिंदे हा २०२३ पासून कामावर आला नसल्याचे पोलिस प्रशासनाच्या लक्षात आले आहे. त्याला शोधण्याचे प्रयत्न करण्यात आले.
त्याच्या घरी केलेल्या चौकशीवेळी तो उपचारासाठी केरळ येथे गेल्याचे सांगण्यात आले होते. ३० जुलैपासून तो कामावर आला नसल्याने त्याच्याविरोधात कारवाई करण्याचे ठरवण्यात आले आहे. केरळमधील उपचाराबाबत कुटुंबीयांकडून कोणतीही कागदपत्रे सादर करण्यात आली नाहीत.
त्यामुळे आता १५ दिवसांत त्याने कामावर परतावे अन्यथा बडतर्फीची कारवाई करण्यात येणार आहे. त्याने स्वेच्छेने काम सोडले असे मानून ही कारवाई करण्यात येणार आहे, असे सुत्रांनी सांगितले. या पार्श्वभूमीवर शिंदे याला अंतिम संधी म्हणून १५ दिवसांचा अवधी देण्यात आला आहे. अन्यथा, सेवा बडतर्फीचा निर्णय अमलात आणला जाणार असल्याचे सुत्रांनी स्पष्ट केले.
पोलिस विभागात अशाप्रकारे दीर्घकाळ बिनकामाचे बेपत्ता राहणाऱ्या अधिकाऱ्यांविरुद्ध कारवाईचे हे ताजे उदाहरण ठरत असून शिस्तभंगाविरोधात कठोर पाऊल उचलल्याचे यावरून स्पष्ट झाले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.