Rohan Harmalkar Arrest

पर्वरी: महाराष्ट्रवादी गोमंतक पक्षाचे नेते रोहन हरमलकरांना पुन्हा एकदा अटक करण्यात आली आहे. चेक बाऊन्स प्रकरणात पर्वरी पोलिसांनी शुक्रवारी (०६ डिसेंबर) त्यांना अटक केलीय. यापूर्वी जमिनीच्या प्रकरणात झालेल्या वादात जीवे मारण्याची धकमी देऊन मारहाण केल्याच्या घटनेत हणजूण पोलिसांनी त्यांना अटक केली होती.

चेक बाऊन्स प्रकरणात रोहन हरमलकर यांच्याविरुद्ध अजामीनपात्र वॉरंट जारी करण्यात आले होते. पर्वरी पोलिसांनी हरमलकरला अटक करून न्यायालयात हजर केले. एका व्यक्तीला जीवे मारण्याची धमकी देऊन मारहाण केल्याप्रकरणी २५ नोव्हेंबर रोजी हरमलकरांना अटक करण्यात आली होती. एक दिवसातच त्यांना जामीन देखील मिळाला होता. दरम्यान, आठ दिवसांत त्यांना आणखी एका प्रकरणात अटक करण्यात आलीय.

जमीन प्रकरणात जीवे मारण्याची धमकी आणि मारहाण

रोहन हरमलकर यांनी दुर्गादास मोरजकर यांच्यासह इतर ८- १० दहा जणांनी मिळून सुरेंद्र भरत सिंह कुमार (वय ५१, रा. हिस्सार, हरियाणा) या व्यक्तीला जीवे मारण्याची धमकी देऊन मारहाण केली. पीडित व्यक्तीने तक्रार दाखल केल्यानंतर हरमलकर आणि मोरजकरांना अटक करण्यात आली होती. दरम्यान, एका दिवसांत हरमलकरांना जामीन मिळाला होता.