Madkai News :

मडकई, फोंडा - पणजी महामार्गावरील फर्मागुढी येथील जीव्हीएम सर्कलजवळ आज (बुधवारी) संध्याकाळी कार व दुचाकीच्या जोरदार धडकेत दोन विद्यार्थी जखमी झाले.

कार फोंड्याहून पणजीकडे जात होती तर दुचाकीस्वार फोंड्याहून मडगावकडे जात होते.दुचाकीस्वार शांताक्ष कामत व समर्थ नाईक जखमी झाले. त्यांना इस्पितळात दाखल करण्यात आले.

मात्र, अपघातानंतर १०८ रुग्णवाहिका उशिराने पोचल्याने उपस्थितांनी संताप व्यक्त केला. फोंडा पोलिसांनी अपघाताचा पंचनामा केला.