लोकसभा निवडणुकीतील मतदानाच्या निमित्ताने उद्या मंगळवार दि. 07 मे रोजी सर्वांनाच सुट्टी असल्याने अनेकजण आज गावाला रवाना झाले. कदंब बसस्थानक तसेच रेल्वेस्थानकांवर गावी जाणाऱ्यांची गर्दी दुपारपासून दिसून येत होती.
आपल्या दुचाकीवर शेजारील सिंधुदुर्ग, कारवार आणि बेळगाव जिल्ह्यात जाणाऱ्यांची संख्या बऱ्यापैकी होती.
निवडणूक निर्णय अधिकाऱ्यांनी दिलेल्या आदेशापासून, मद्यविक्रीची दुकाने काल सायंकाळी पाच वाजल्यापासून बंद आहेत. मतदानाच्या दिवशी म्हणजे उद्या मध्यरात्रीपर्यंत ती बंद राहतील.
सरकारने उद्या सरकारी, निमसरकारी, खासगी तसेच रोजंदारीवरील अशा सर्वच प्रकारचेकर्मचारी, कामगारांना भरपगारी सुट्टी जाहीर केली आहे. निवडणूक कामात असलेल्यांना टपाल मतदानाची सोय करण्यात आली होती.
त्या कर्मचाऱ्यांनी आपले मतदान केले आहे. मतदान कामावरील कर्मचाऱ्यांना नंतर सुट्टी घेण्याची सुविधा देण्यात येणार आहे. चार जून रोजी मतमोजणीच्या दिवशीही मद्यविक्रीची दुकाने बंद राहणार आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.