Lemon Rate In Goa :

पणजी, राज्यात वाढलेल्या उष्म्यामुळे भाजी तसेच फळांना मोठ्या प्रमाणात मागणी वाढली आहे.

त्यामुळे फळे तसेच भाज्यांच्या दरात मोठ्या प्रमाणात वाढ झाली असून उन्हापासून दिलासा देणारे लिंबू तर मोठ्या प्रमाणात भाव खात असून पणजी बाजारात मध्यम आकाराचा लिंबू ८ रुपयांना एक अशा दराने विकला जात आहे.

कलिंगड, संत्री, आंबे, सफरचंद या फळांच्या दरात देखील वाढ झाली आहे. संत्री १५० रुपये, सफरचंद २०० ते २५० रुपये प्रतिकिलो दराने विकले जात आहे. राज्यात आंब्याची आवक वाढल्याने काही प्रमाणात आंब्याच्या दरात घट झाली आहे. मानकुरात आंबा हजार ते बाराशे रुपये, हापूस सहाशे ते आठशे रुपये डझन दराने विकला जात आहे.

भाज्यांचे दर वाढले

राज्यात मागील दोन महिन्यांपासून सातत्याने भाज्यांच्या दरात वाढ होत आहे. फळभाज्या तसेच पालेभाज्यांच्या दरात मोठ्या प्रमाणात वाढ झाली आहे. बाजाराच्या तुलनेत फलोत्पादन महामंडळाच्या गाळ्यांवर स्वस्त दरात भाजी विक्री होत असल्याने आता अनेक नागरिक वाढत्या महागाईत फलोत्पादन महामंडळाच्या गाळ्यांवर भाजी खरेदी करत आहेत.

खुल्या बाजारातील भाजीचे दर फलोत्पादनाचे दर (प्रतिकिलो रुपयांत)

कांदा ४० २८

बटाटा ४० ३८

टोमॅटो ५० २७

गाजर ६० ४४

फ्लॉवर ४० २८

कोबी ४० २८

हिरवी मिरची ८० ६५