गोव्यासाठी भाजपच्या स्टार प्रचारकांची यादी येत्या आठवड्यात जाहीर होणार आहे. उत्तर गोव्यासाठी महाराष्ट्रातील नेत्यांच्या नावांची तर दक्षिण गोव्यासाठी दक्षिण भारतातील नेत्यांची नावे प्रदेश पातळीवरून सुचवण्यात आली आहेत.
कर्नाटक, राजस्थान, गुजरातमधील काही नेते त्या त्या प्रदेशातील; पण गोव्यात स्थानिक मतदारांशी संवाद साधण्यासाठी भाजप पाचारण करणार आहे. त्याचे नियोजन करून दिल्लीला पाठविले आहे.
मुख्यमंत्री डॉ. प्रमोद सावंत यांच्या नावाचा समावेश तूर्त महाराष्ट्रातील स्टार प्रचारकांच्या यादीत असला तरी त्यांच्याकडे आणखी चार राज्यांतील प्रचाराची जबाबदारी दिली जाणार आहे. त्यामुळे मुख्यमंत्र्यांना पुढील आठवड्यानंतर राज्यातील प्रचारात सहभागी होणे तसे कठीण होणार आहे. सध्या प्रदेशाध्यक्ष सदानंद शेट तानावडे आणि मुख्यमंत्री दिवसाआड दक्षिण गोवा दौरा उमेदवार पल्लवी धेंपे यांच्यासह करत आहेत.
तानावडे यांनी आज साळगाव तर दक्षिण गोव्यातील सावर्डे मतदारसंघाचा दौरा करून कार्यकर्त्यांच्या भेटीगाठी घेतल्या आहेत. उद्या ते मडगाव फातोर्डा आणि नावेली मतदारसंघाचा दौरा करणार आहेत.
निवडणुकीत हायटेक प्रचार
भाजपने प्रत्येक मतदाराच्या मोबाईलवर पक्षाचा संदेश पोचवणारी हायटेक यंत्रणा पणजी मुख्यालयाजवळ उभारली आहे. पूर्वी एसएमएस पाठवले जायचे. आता त्यांची जागा व्हॉटस ॲप संदेशांनी घेतली आहे. भाजपने प्रत्येक मतदाराचा व्हॉटस ॲप क्रमांक नोंदवून घेतला आहे. त्याची जोड प्रचाराला दिली जाणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.