CM Pramod Sawant: सांकवाळ येथील युनिव्हर्सिटी ऑफ लीगल एज्युकेशन अँड रिसर्च या संस्थेला धारबांदोडा तालुक्यात जागा देण्यात आली आहे. विद्यापीठाचा संपुर्ण कॅम्पस तिकडे स्थलांतरित झाल्यावर या इमारतीला कला भवन म्हणून विकास करणार, अशी माहिती मुख्यमंत्री डॉ. प्रमोद सावंत यांनी दिली.

गोव्यातील इंडिया इंटरनॅशनल युनिव्हर्सिटी ऑफ लीगल एज्युकेशन अँड रिसर्च या संस्थेच्या पहिल्या स्थापना दिन सोहळ्यात ते बोलत होते. या कार्यक्रमाची सुरवात मुख्यमंत्र्यांच्या हस्ते दीपप्रज्वलनाने झाली.

यावेळी मुख्यमंत्र्यांनी या विद्यापीठाला धारबांदोडा तालुक्यात जमिन दिली असल्याचे स्पष्ट केले. तसेच एकदा तिकडे विद्यापीठाचा हा सर्व कॅम्पस स्थलांतरित झाल्यावर सध्याची इमारत कला भवन म्हणून वापरली जाईल, असे मुख्यमंत्री सावंत म्हणाले.