पणजी: जमीन हडप प्रकरणातील सराईत गुन्हेगार सुलेमान महंमद खान ऊर्फ सिद्दीकी आणि त्याची पत्नी अफसाना ऊर्फ सारिका खान या दोघांचीही वेगवेगळ्या प्रकरणांत १४ दिवस न्यायालयीन कोठडीमध्ये रवानगी करण्यात आली आहे.
केरळमध्ये सिद्दीकी याला अटक केली, तेव्हा तिलाही अटक करून गोव्यात आणले होते. म्हापसा येथील जमीन हडप प्रकरणात तिचा सहभाग होता, हे चौकशीतून उघड झाले होते. त्यामुळे पोलिस तिचाही शोध घेत होते.
सारिकाला म्हापसा येथील जमीन हडप प्रकरणामध्ये विशेष तपास पथकाने अटक केली होती. तिची ४ दिवसांची पोलिस कोठडी संपल्याने ती वाढवून घेण्यासाठी न्यायालयात उभे केले असताना तिला न्यायालयीन कोठडीत देण्यात आली.
जमीन हडप प्रकरणातील मुख्य सूत्रधार तिचा पती सुलेमान खान याचीही सात दिवसांची कोठडी संपल्याने त्याला न्यायालयीन कोठडीत पाठविले आहे. सुलेमानने अनेक बँक खाती उघडली होती, त्यातील काही खाती सारिकाच्या नावाने होती. तिच्या खात्यावरून काही जमीन विक्रीसाठीचे व्यवहार झाले आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.