सरकारच्या महिला आणि बाल विकास कल्याण खात्यातर्फे 'लाडली लक्ष्मी' योजना राबवण्यात येत आहे. राज्यात 'लाडली लक्ष्मी' योजनेच्या लाभार्थी युवती, महिलांना मंजुरी पत्रांचे वाटप करण्यात येत आहे.
दरम्यान, फोंडा येथे 'लाडली लक्ष्मी' योजनेतील निम्मी रक्कम एका राजकीय पक्षाच्या कार्यकर्ती युवतीने कमिशन म्हणून मागितल्याचा प्रकार उघडकीस आला आहे. ही रक्कम दिली नाही म्हणून त्या युवतीने संबंधित महिलेला मारहाण केली.
याबाबत अधिक माहिती अशी की, 'लाडली लक्ष्मी' योजनेतील मंजूर रक्कमेतील निम्मी रक्कम कमिशन म्हणून देण्याची मागणी एका राजकीय पक्षाची कार्यकर्ती असलेल्या युवतीने महिलेकडे केली होती.
मात्र, कमिशन म्हणून महिलेने संबंधीत युवतीला कमी रक्कम दिली. याच रागातून कार्यकर्ती असलेल्या युवतीने महिलेला जबर मारहाण केली. या मारहाणीत महिला जखमी झाली. जखमी महिलेला रुग्णालयात दाखल करण्यात आले आहे.
फोंडा पोलीस स्थानकात याबाबतची तक्रार नोंद करण्यात आली असून पोलिस पुढील तपास करीत आहेत. राज्यातील महिला व युवतींनी 'लाडली लक्ष्मी' योजनेसाठी महिला आणि बालकल्याण खात्याकडे अर्ज पाठवले आहेत. मात्र काही अर्ज प्रलंबित आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.