कुळे, कर्नाटकहून वेर्णा येथे जाणाऱ्या अवजड ट्रकने सुकतळी-मोले येथे रस्त्याच्या कडेला असलेल्या झाडाला धडक दिली.
या धडकेत कर्नाटक येथील ट्रकचालक शंकर अलीगन (३१) याच्या पायाला गंभीर दुखापत झाल्याने ‘गोमेकॉ’मध्ये उपचार करून त्याला घरी पाठवले.
कुळे पोलिसांनी दिलेल्या माहितीनुसार, हुबळी येथून वेर्णा येथे हा ट्रक जात होता. या ट्रकमध्ये रेफ्रीजरेटर होते. सुकतळी येथे दुपारी २.२० वा.पोहोचल्यानंतर चालकाचा गाडीवरील ताबा सुटल्याने वाहनाने थेट रस्त्यालगतच्या झाडाला धडक दिली.
त्यामुळे ट्रकच्या केबिनचा चक्काचूर झाला असल्याने चालक केबिनमध्येच अडकला.
माहिती मिळताच कुळे पोलिसांनी या ठिकाणी धाव घेतली व अग्निशामक दलाला पाचारण केले. अग्निशामक जवानांनी त्या ठिकाणी येऊन केबिनमध्ये अडकलेल्या चालकाला बाहेर काढले व रुग्णवाहिकेतून तिस्क येथे इस्पितळात पाठविले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.