पणजी : कदंब परिवहन महामंडळाच्या (KTC) संचालक मंडळाने स्मार्ट सिटी कार्यक्रमांतर्गत 48 इलेक्ट्रिक बसेसचा समावेश करण्याचा निर्णय घेतला आहे. सध्याच्या बसेसच्या ताफ्यात नव्याने भर पडल्याने पणजी, पर्वरी आणि काही इतर भागात प्रवास करणे सोपे होणार आहे.

केटीसीचे एमडी डेरिक परेरा नेटो यांच्या अध्यक्षतेखालील बोर्डाच्या बैठकीत गुरुवारी हा ठराव मंजूर करण्यात आला. त्यानंतर आता इमॅजिन पणजी स्मार्ट सिटी डेव्हलपमेंट लिमिटेडला मंजुरीचे पत्र दिले जाणार आहे. (e-Buses in Goa)

“पणजी शहरात आणि आसपासच्या भागात प्रवास करण्यासाठी या इलेक्ट्रिक बसेसचा समावेश करण्यास मंडळाने मान्यता दिली आहे. कार्यालयात जाणाऱ्यांना आणि विद्यार्थ्यांना या उपक्रमाचा फायदा होईल,” नेटो म्हणाले.