घरफोडीच्या विविध गुन्ह्यात सहभाग असलेल्या म्हैसूर, कर्नाटक येथील दोघांना मडगाव रेल्वे स्थानकावर अटक करण्यात आली आहे.

कोकण रेल्वेच्या वतीने ही कारवाई करण्यात आली. कर्नाटक राज्यात दोघांवर विविध घरफोडीचे गुन्हे दाखल आहेत.

अशोक कृष्णाप्पन कुमार (वय 27) आणि मधु कृष्णाप्पन कुमार (वय 25) (दोघेही रा. बीएमसी नगर, म्हैसूर)अशी अटक करण्यात आलेल्या दोघांची नावे आहेत.

पोलिसांकडून मिळालेल्या माहितीनुसार, दोघांवर घरफोडीचे अनेक दाखल आहेत. म्हैसूर न्यायालयाने संशयिकातांना अटक करून हजर करण्याचे आदेश दिले होते. संशयितांची माहिती कर्नाटक पोलिसांकडून गोवा पोलिसांना देण्यात आली होती.

दरम्यान, दोघे संशयित कोकण रेल्वे पोलिसांना मडगाव रेल्वे स्थानकावर दिसले. पोलिसांनी तात्काळ त्यांना अटक केली. अटक संशयितांना म्हैसूर पोलिसांच्या ताब्यात देण्यात आले आहे.

कोकण रेल्वे पोलीस निरीक्षक सुनील गुडलर, सहाय्यक पोलीस निरीक्षक मनोज मांद्रेकर, पोलीस शिपाय सत्यवान नाईक व सत्यवान गावकर यांच्या पथकाने ही कारवाई केली.