कोलकाता येथील आरजी कर वैद्यकीय महाविद्यालयातील लेडी डॉक्टरवर लैंगिक अत्याचार आणि हत्या प्रकरणाचे गोव्यातही पडसाद उमटतायेत. याच पार्श्वभूमी आता गोव्याचे मुख्यमंत्री डॉ. प्रमोद सावंत यांनीही आपली प्रतिक्रिया दिली. पश्चिम बंगालच्या मुख्यमंत्री ममता बॅनर्जी यांनी अशा संवेदनशील प्रकरणात हालगर्जीपणा दाखवल्याबद्दल मुख्यमंत्री सावंत यांनी चांगलाच समाचार घेतला.

मुख्यमंत्री सावंत म्हणाले की, ''कोलकाता येथील महिला डॉक्टरवरील अत्याचारप्रकरणी पश्चिम बंगालच्या मुख्यमंत्री ममता बॅनर्जी यांनी स्वत: एका महिला असून हालगर्जीपणा दाखवल्याबद्दल मी निषेध व्यक्त करतो.'' इंडियन मेडिकल असोसिएशनच्या डॉक्टरांनी मुख्यमंत्री सावंत यांची आज ( 17 ऑगस्ट) भेट घेऊन निवेदन दिले. यावेळी त्यांनी डॉक्टरांच्या सुरक्षिततेविषयी मुख्यमंत्री सावंत यांच्याशी चर्चा केली.

दरम्यान, डॉक्टर, परिचारिका यांना सुरक्षा प्रदान करण्यासाठी गोवा वैद्यकीय कायद्यात दुरुस्ती, जिल्हा कृती दलांची लवकरात लवकर स्थापना करण्यासह रुग्णालयांना सुरक्षित ठिकाणे म्हणून जाहीर करण्याची मागणी आज (17 ऑगस्ट) आंदोलक विद्यार्थ्यांकडून करण्यात आली. एवढ्यावरच न थांबता आंदोलकांनी कोलकाता येथील महिला डॉक्टरवर लैंगिक अत्याचार करुन हत्या करणाऱ्या नराधमाला कडक शिक्षा देण्याचीही मागणी केली.

चोडणकर पुढे म्हणाले की, 'गोव्यातील वैद्यकीय कायदा केवळ नावालाच आहे. त्याची योग्यरित्या अंमलबजावणी होत नाहीये. सावंत सरकारने गोव्यातील या वैद्यकीय कायद्यात आता तात्काळ दुरुस्ती करुन डॉक्टर्स आणि परिचारिकांच्या सुरक्षिततेसाठी ठोस पाऊल उचलावे.'