New Zuari Bridge: उत्तर व दक्षिण गोव्याला जोडमाऱ्या नवीन झुआरी पुलाचे आज उद्घाटन होत आहे. हा पूल वाहतुकीस खुला झाल्यानंतर आगशी, कुठ्ठाळी ते वेर्णापर्यंत होणाऱ्या वाहतूक कोंडीची समस्या कमी होणार आहे. नवीन झुआरी पुल हा देशातील दुसऱ्या क्रमांकाचा केबलस्ट्रेड पुल आहे. या पुलाविषयीच्या इंटरेस्टिंग गोस्टी जाणून घेऊया.

2016 मध्ये पुलाची पायाभरणी

झुआरी नदीवर बांधण्यात आलेल्या या नवीन पुलाची पायाभरणी जानेवारी 2016 मध्ये करण्यात आली होती. तेवहापासून तीन टप्प्यांत या पुलाचे बांधकाम करण्यात आले आहे. पहिला टप्पा बांबोळी ते आगशी असा 8.23 किलोमीटरचा आहे. दुसरा टप्पा 4.31 किलोमीटरचा असून तो कुठ्ठाळी ते वेर्णा असा आहे. तर तिसरा टप्पा आगशी ते कुठ्ठाळी असा 1.08 किलोमीटरचा आहे.

पुलाची लांबी

पुलाची जोडरस्त्यांसह एकूण लांबी 13.63 किलोमीटर इतकी आहे. तर केवळ नदीवर पुलाच्या भागाची लांबी 8.2 किलोमीटर इतकी आहे.

पुलाचा एकूण खर्च

पुलाचा एकूण खर्च 2701 कोटी रूपये इतका आहे.

पुलावर टॉवरसह हॉटेलचे उभारणार

भविष्यात या पुलावर दोन मोठे टॉवर उभारले जाणार आहेत. त्यासाठी 130 कोटी रूपये खर्च अपेक्षित आहे. हा टॉवर देशविदेशातील पर्यटकांसाठी आकर्षणाचे केंद्र ठरू शकेल. येथे आर्ट गॅलरी, रेस्टॉरंट अशा सुविधा उभारण्याचा मानस आहे.

देशातील दुसऱ्या क्रमांकाचा केबलस्ट्रेड पूल

नवीन झुआरी पूल देशातील दुसऱ्या क्रमांकाचा केबलस्ट्रेड पूल ठरणार आहे. या पुलामध्ये 56 केबल्स जोडण्यात आल्या आहेत. आसाममधील ब्रह्मपुत्रा नदीवरील डॉ. भुपेन हजारिका ब्रिज हा भारतातील सर्वाधिक लांबीचा पूल असून तो 9.15 किलोमीटर लांबीचा आहे. या पुलाचे उद्घाटन पंतप्रधान नरेंद्र मोदी यांच्याहस्ते 2020 साली झाले होते.