Minor Girl Assaulted: महिला आणि अल्पवयीन मुलींवरील वाढत्या अत्याचाराच्या घटना चिंतेचे कारण बनले आहे. अशीच एक घटना समोर आली आहे.

एका अल्पवयीन मुलीचे लैंगिक शोषण केल्याच्या आरोपावरून रमेश जाधव (28, भाटले, चिंचोळे, मूळ- हुबळी, कर्नाटक) याला पणजी महिला पोलिसांनी अटक केली आहे. प्रथम वर्ग न्यायदंडाधिकाऱ्यांनी त्यास 18 तारखेपर्यंत पोलिस कोठडी दिलेली आहे.

पोलिसांनी महिला लैंगिक शोषणाच्या विविध कलमांतर्गत व पास्को कायद्यांतर्गत संबंधित आरोपीवर गुन्हे नोंद केले आहेत.

दरम्यान, म्हापसामध्येही अशीच घटना समोर आली आहे. सोळा वर्षीय अल्पवयीन युवतीचे फूस लावून अपहरण केल्याप्रकरणी म्हापसा पोलिसांनी तिघा संशयितांना अटक केली आहे. संशयितांमध्ये एका परप्रांतिय युवकाचा समावेश आहे.