Karnataka CM Siddaramaiah met Narendra Modi for Kalasa Banduri

पणजी: मुख्यमंत्री सिद्धरामय्या यांनी आज, शुक्रवारी (ता. २९) नवी दिल्लीत पंतप्रधान नरेंद्र मोदी यांची भेट घेतली आणि राज्यातील महत्वाकांक्षी मेकेदाटू जलाशय आणि कळसा-भांडुरा प्रकल्पांसाठी तातडीने मंजुरी देण्याबरोबरच अल्पकालीन कृषी कर्ज मर्यादा निश्चित करण्यासाठी दहा हजार कोटींच्या आर्थिक मदतीची विनंती केली.

दिल्लीत झालेल्या बैठकीत सिद्धरामय्या यांनी केंद्र सरकारला कृषी, जलसंपदा आणि शहरी पायाभूत सुविधांसह अनेक मुद्द्यांवर तातडीने हस्तक्षेप करण्याची विनंती केली. उपमुख्यमंत्री डी. के. शिवकुमार, मंत्री भैरती सुरेश बैठकीला उपस्थित होते.

‘१३ शहरांसाठी १० हजार कोटी द्या’

बंगळूर शहर हे एक ‘टेक हब’ देशाच्या जीडीपीत भर घालते. यासाठी शहर आणि सार्वजनिक वाहतुकीसाठी विशेष सहाय्य देण्याची मागणी केली आहे. याशिवाय वेगाने विकसित होणाऱ्या १३ शहरांमध्ये पायाभूत सुविधा विकसित करण्यासाठी दहा हजार कोटींची मागणी सिद्धरामय्या यांनी केली.