Fatorda Swimming Pool Accident: स्विमिंग पूलमध्ये पोहताना बुडाल्याने पाच वर्षीय मुलाचा मृत्यू झाला आहे. पाण्याचा अंदाज न आल्याने तो बुडू लागला, त्याला तात्काळ बाहेर काढून उपचारासाठी गोमेकॉत दाखल करण्यात आले होते. मात्र, उपचारादरम्यान त्याचा मृत्यू झाला.

निर्मय रंजन रेड्डी असे मूळचा बंगळुरू, कर्नाटक येथील रहिवासी असलेल्या या मुलाचे नाव आहे.

मिळालेल्या माहितीनुसार, 29 एप्रिल रोजी वार्का येथील एका हॉटेलमध्ये असलेल्या स्विमिंग पूलमध्ये पाचवर्षीय मुलगा बुडाला. बुडू लागल्याने त्याला तात्काळ बाहेर काढून गोमेकॉत दाखल करण्यात आले. मात्र, उपचारादरम्यान त्याचा मृत्यू झाला. सायंकाळी सहा वाजता ही घटना घडली होती.

बंगळुरू येथील एक कुटुंब गोव्यात आले होते. वार्का येथील एका हॉटेलमध्ये उतरले होते. दरम्यान, आई-वडील जवळ नसताना तो स्विमिंग पूलमध्ये उतरला; पण पाण्याचा अंदाज न आल्याने तो बुडू लागला.

त्याला पाण्याबाहेर काढून मडगाव येथील जिल्हा इस्पितळात दाखल केले होते. मात्र, प्रकृती खालावल्याने त्याला गोमेकॉत स्थलांतरित केले होते.