Kala Academy Inauguration Ceremony: बऱ्याच कालावधीपासून रखडलेला कला अकादमीच्या उद्घाटनाचा प्रश्न अखेर सुटण्याच्या वाटेवर आहे. कला आणि सांस्कृती मंत्री गोविंद गावडे यांनी दिलेल्या माहितीनुसार येत्या 10 नोव्हेंबरला मुख्यमंत्र्यांच्या हस्ते कला अकादमीचे उद्घाटन करण्यात येणार आहे.

कला अकादमीच्या खुल्या मंचावरील स्लॅब जुलै 2023 मध्ये कोसळला, तरी नूतनीकरणाचे काम 15 ऑक्टोबरला पूर्ण होईल, असे सांगण्यात आले होते.

परंतु काम पूर्णतेची दिलेली मुदत संपल्याने आता हे काम नोव्हेंबर 2023 मध्ये होणाऱ्या आंतरराष्ट्रीय भारतीय चित्रपट महोत्सवापूर्वी (इफ्फी) पूर्ण होईल आणि अकादमी इफ्फीसाठी सज्ज होईल, असे कला व संस्कृती मंत्री गोविंद गावडे यांनी ‘गोमन्तक’ला सांगितले.

मंत्री गावडे यांनी इफ्फीपूर्वी अकादमी खुली होणार असल्याचे सांगितल्याने यावर्षी इफ्फीचे चित्रपट अकादमीत दाखविले जातील, असे स्पष्ट दिसत आहे. अकादमीतील सर्वात जास्त बैठक व्यवस्था असलेला सभागृह चित्रपट दाखविण्यास मिळत असतो.