Kokan Railway: कोकण रेल्वे मार्गावर 9, 10 रोजी मेगा ब्लॉक

Kokan Railway: कोकण रेल्वे मार्गावर देखभाल व दुरुस्तीचे काम करावयाचे असल्याने ९ नोव्हेंबर रोजी कुमठा ते भटकळ मार्गावर दुपारी १२ ते ३ वाजेपर्यंत व १० रोजी रत्नागिरी ते वैभववाडी सकाळी ८.३० ते ११ या वेळेत मेगा ब्लॉक घेण्यात आला आहे. या मेगा ब्लॉक मुळे प्रवासी ट्रेनच्या वाहतुकीवर परिणाम होणार आहे.

ट्रेन १६५८५ विश्र्वेश्‍वरय्या टर्मिनस बेंगळुरू ते मुरडेश्र्वर. ही गाडी ८ रोजी सुटणार असून ती भटकळपर्यंत धावेल. त्यानंतर भटकळ ते मुरडेश्र्वर प्रवास रद्द करण्यात आला आहे.

ट्रेन १६५८६ मुरडेश्र्वर ते विश्र्वेश्‍वरय्या टर्मिनस बेंगळुरू.या गाडीचा प्रवास ९ रोजी सुरू होणार असला तरी ती मुरडेश्र्वर ऐवजी भटकळहून सुटेल. ट्रेन २२११४ - कोचुवेली ते लोकमान्य टिळक टर्मिनस. ही गाडी ९ रोजी सुटणार असून ती २० मिनिटांसाठी भटकळ स्थानकावर नियमन केले जाईल.

ट्रेन १६३४६ थिरुवनंतपुरम ते टिळक टर्मिनस (नेत्रावती एक्सप्रेस) ही ९ रोजी सुटणार असून तिचे उडुपी ते कणकवली दरम्यान अडीच तासांसाठी नियमन केले जाईल. १०१०६ सावंतवाडी ते दिवा एक्सप्रेस १० रोजी सुटणार असून ३० मिनिटे नियमन केले जाईल.