Kadamba Employees:

मुख्यमंत्री डॉ. प्रमोद सावंत यांनी कदंब कर्मचाऱ्यांच्या मागण्या पूर्ण करण्याचे आश्वासन दिल्यानंतर केटीसी युनियनने आझाद मैदानावर महिनाभर सुरू केलेले आंदोलन शनिवारी सकाळी स्थगित केले.

शुक्रवारी मुख्यमंत्री प्रमोद सावंत यांनी युनियनला सोमवारी, 11 मार्चला कदंब नवीन बसेसची खरेदी आणि 7 व्या वेतनाच्या अंमलबजावणीसह इतर किरकोळ मागण्या पूर्ण करण्यासाठी करारावर स्वाक्षरी करण्याचे आश्वासन दिले आहे.

गेला महिनाभर भर उन्हात आझाद मैदानात बसून धरणे आंदोलन करणाऱ्या कदंब युनियनच्या सदस्यांनी शनिवारी सकाळी त्यांच्या आंदोलनाला स्थगिती दिल्याचे जाहीर केले.

यावेळी घेण्यात आलेल्या पत्रकार परिषदेत कदंब युनियनचे म्होरके ॲड. सुहास नाईक यांनी नमूद केले, की कदंब महामंडळाचे कर्मचाऱ्यांच्या अनेक मागण्या होत्या. त्यात नवीन बसगाड्या खरेदी करणे, थकबाकी देणे, सातव्या वेतन आयोगाचे वेतन लागू करणे,

रोजंदारीवरील कर्मचाऱ्यांना नियमित करणे आणि इतर काही मागण्या होत्या. या सर्व मागण्यांपैकी काही महत्त्वाच्या मागण्या मुख्यमंत्र्यांनी मान्य केल्या आणि इतर मागण्यांची दखल घेण्याचे आश्वासन दिल्याने आम्ही हे धरणे आंदोलन स्थगित केले.