Ratnagiri Accident: गोवा आणि कोकण येथे पर्यटनासाठी येत अससेल्या पर्यटकांचा मुंबई-गोवा या राष्ट्रीय महामार्गावर अपघात झाला. गोव्याकडून मुंबईला जात असताना खाजगी बस आणि पर्यटकांची कार यांच्यात अपघात झाला. या अपघातात सहा जण गंभीर जखमी झाले आहेत. त्यामध्ये लहान मुलाचाही समावेश आहे.

कोकण आणि गोवा फिरण्यासाठी आलेले सर्व पर्यटक जालना येथील असल्याची माहिती समोर आली आहे. जखमींना तात्काळ उपचारासाठी जिल्हा रुग्णालयात हलवण्यात आले.

(Jalna Tourist Car Accident at Ratnagiri )

योगेश ज्ञानदेव मुंडे, साहिल स्वप्नील मुंडे, स्वप्निल राजू मुंडे, साक्षी योगेश मुंडे, अर्चना स्वप्नील मुंडे, कृष्णा गणेश दराडे (सर्व रा. जालना) असे या अपघातात जखमी झालेल्यांची नावे आहेत.

मिळालेल्या माहितीनुसार, मुंबई-गोवा महामार्गावरती कोदवली उपकेंद्रासमोर बुधवारी सायंकाळी सातच्या सुमारास खाजगी कार आणि खाजगी बस यांच्यात अपघात झाला. खाजगी कार मुंबईकडून गोव्याच्या दिशेने जात होती तर, खाजगी बस गोव्यावरुन मुंबईकडे जात असताना अपघात झाला.

सुदैवाने या अपघातात कोणतीही जीवितहानी झालेली नाही. जखमींना तात्काळ राजापूर ग्रामीण रुग्णालयात प्राथमिक उपचारासाठी दाखल करण्यात आले होते. त्यानंतर पुढील उपचारासाठी त्यांना रत्नागिरी येथे हलवण्यात आले आहे. अशी माहिती मिळत आहे.

दरम्यान, अपघात झाल्यानंतर कारचालक हा कारमध्येच अडकून पडला. मात्र, स्थानिकांनी त्याला सुखरूप बाहेर काढले. चालकाची प्रकृती गंभीर असल्याचे समजतेय. राजापूर पोलीस आणि स्थानिकांनी घटनास्थळी धाव तात्काळ धाव घेऊन मदत कार्य केले.