सासष्टी: गोवा विधानसभा निवडणुकीचा आज जाहीर झालेला निकाल पाहता एकवेळ सासष्टीतील मतदारसंघाच्या आधारे सरकार स्थापनेची भाषा करणाऱ्या कॉंग्रेस पक्षाचे या तालुक्यातील वर्चस्व धोक्यात आले का?, हाच प्रश्र्न सर्वत्र चर्चिला जात आहे.

सासष्टी मतदारसंघात 8 मतदारसंघ सामावतात. यापूर्वी या सर्व मतदारसंघात कॉंग्रेसचेच उमेदवार निवडून यायचे पण या वेळी केवळ मडगाव, नुवे व कुंकळ्ळी वगळता इतर सर्व ठिकाणी कॉंग्रेसचे उमेदवार पराभूत झाले आहेत. दिंगबर कामतसुध्दा कॉंग्रेस म्हणून नव्हे तर स्वतःच्या वैयक्तिक क्षमतेवर आणि करिष्म्यावर निवडून आले आहेत.

नावेलीत भाजपचे उल्हास तुयेकर निवडून आले, तो एक चमत्कारच म्हणावा लागेल. तुयेकर यायला पण नावेलीत भाजपच्या मतदार संख्येत वाढ झाली आहे, हे खरे असले तरी कॉंग्रेस, टीएमसी व आप उमेदवारांमध्ये मतविभागणी झाल्यामुळे तुयेकर निवडून आले,असे मत विष्लेशकांनी व्यक्त केले आहे.

वेळ्ळी/बाणावलीत ‘आप’

वेळ्ळी व बाणावलीत कॉंग्रेसच्या मतदारांनी पर्याय म्हणून आम आदमी पक्षाच्या उमेदवाराला पसंती दिली. तर फातोर्ड्यात कॉंग्रेसने आपला उमेदवार न ठेवता गोवा फॉरवर्डच्या विजय सरदेसाईना पाठिंबा दिला. त्यामुळे विजय सरदेसाईंचा विजय जास्त सुकर झाला, असे बोलले जाते.