उत्तर प्रदेश: बांदा पोलिसांनी ऑनलाइन बेटिंग आणि सायबर फसवणुकीत सहभागी असलेल्या आंतरराज्यीय टोळीचा पर्दाफाश करत, मुख्य सूत्रधारासह तिघांना अटक केली आहे. ही टोळी गोव्यातून काम करत होते.

पोलिसांनी एका प्रसिद्ध हिंदी वृत्तत्राला दिलेल्या माहितीनुसार, मुख्य सूत्रधार आकाश उर्फ ​​रजनीश कुमार द्विवेदी हा छत्तीसगडमधील रायपूरचा रहिवासी आहे. तो उत्तप्रदेशातील बांदा, चित्रकूट, मध्य प्रदेश आणि छत्तीसगडमध्ये आपले एजंट तयार करायचा.

हे एजंट विविध लोकांना १०-१५ हजार रुपयांचे आमिष दाखवून त्यांचे बँक खाते, पासबुक आणि एटीएम कार्ड याची माहिती घेत. सायबर फसवणुकीतून मिळालेले पैसे ट्रान्सफर करण्यासाठी या खात्यांचा वापर केला जात होता.

उत्तर प्रदेश पोलिसांनी बांदा - चित्रकूट येथील दीपक कुमार, कृष्ण कुमार कुशवाह आणि राजकुमार सोनकर यांना अटक केली आहे. त्यांच्याकडून चेकबुक, पासबुक, तीन मोबाईल फोन, आधार कार्ड आणि १६ बांगड्या जप्त करण्यात आल्या आहेत.

अटक संशयितांच्या अनेक राज्यांमध्ये सायबर फसवणुकीबाबत दाखल असलेल्या तक्रारींमुळे त्यांची खाती गोठवण्यात आल्याचे चौकशीत समोर आले. सध्या पोलिस मुख्य सूत्रधार आकाशला अटक करण्याचा प्रयत्न करत आहेत.