वास्को: राष्ट्रवादी काँग्रेसचे अध्यक्ष आणि अखिल गोवा फिशिंग बोट ओनर्स असोसिएशनचे अध्यक्ष जुझे फिलिप डिसोझा आणि वास्कोचे आमदार कृष्णा साळकर यांनी मच्छीमारी बोट मालकांची संयुक्त बैठक बोलावून जेटीविषयी विचार विनिमय केला तसेच खारीवाडा येथील मच्छीमारी जेटीची संयुक्त पाहणी केली.

या बैठकीत मच्छीमारी बोट मालक,कॅनो मालक आणि इतर संबंधितांनी सहभाग घेतला आणि संघटनेचे अध्यक्ष फिलिप डिसोजा, आमदार साळकर यांच्या समोर त्यांच्या तक्रारी मांडल्या. खारीवाडा फिशिंग जेटीच्या अडचणी वाढल्या असून अनेक समस्यांना तोंड द्यावे लागते. या समस्येवर कायमस्वरूपी तोडगा काढण्यासाठी साळकर यांना मुख्यमंत्री प्रमोद सावंत यांनी मत्स्यव्यवसाय मंत्री निळकंठ हळर्णकर यांच्यासमोर या समस्या मांडण्याची विनंती केली असे अखिल गोवा फिशिंग बोट ओनर्स असोसिएशनचे अध्यक्ष फिलिप डिसौजा यांनी सांगितले.

वास्को फिशिंग जेटीवर सुविधांचा आणि अखिल गोवा फिशिंग बोट मालक संघटनेचे अध्यक्ष या नात्याने आमचे प्रश्न आमदारा समोर मांडणे हे आमचे कर्तव्य आहे. आमच्या प्रश्नांचे निराकरण करणे आता आमदार साळकर यांची जबाबदारी आहे. आमच्याकडे गोव्यात उत्कृष्ट मासेमारी जेटी आहे. फक्त ती जीणॆ अवस्थेत आहे. तसेच एक प्रमुख मुद्दा म्हणजे ती खूप लहान आहे आणि एका वेळी सर्व 200 बोटींना सामावून घेऊ शकत नाही. कारण बहुतेक बोटींना मासे पकडल्यानंतर बाहेरच खोल समुद्रात राहावे लागते. त्यामुळे काही वेळ मासे खराब होतात. आम्ही यापूर्वी विनंत्या केल्या आहेत आणि आम्हाला आशा आहे की आमच्या समस्या ऐकल्या जातील असे डीसौजा शेवटी म्हणाले.

यावेळी बोलताना वास्कोचे आमदार कृष्णा साळकर म्हणाले की पाहणीनंतर खारीवाडा येथील मासेमारी जेट्टीची दयनीय अवस्था लक्षात आली आणि वास्कोतील मच्छीमारांना भेडसावणाऱ्या खऱ्या समस्या समजल्या. मासेमारी बऱ्याच काळापासून दयनीय अवस्थेत आहे आणि त्यावर उपाय शोधण्याची गरज असल्याचे ते म्हणाले. तपासणीनंतर मला मासेमारी जेटीची दयनीय अवस्था लक्षात आली आणि वास्कोमधील मच्छीमारांना भेडसावणाऱ्या समस्या लक्षात आल्या. मी मुख्यमंत्री आणि मत्स्य व्यवसाय मंत्र्यांकडे त्यांचे प्रश्न मांडण्याचा निर्णय घेतला आहे आणि आम्हाला विश्वास आहे की हे प्रश्न सोडवले जातील असे साळकर शेवटी म्हणाले.