India Bike Week 2022: आशिया खंडातील सर्वात मोठा बाईक शो अशी ओळख असलेला इंडिया बाईक विक 2022 शुक्रवारपासून (02 डिसेंबर) गोव्यात सुरू होत आहे. वागातोर येथे 02 व 03 डिसेंबर रोजी हा बाईक इव्हेंट होईल. आवश्यक परवानगीला विलंब झाल्यानंतर अखेर उद्यापासून हा इव्हेंट होत आहे.

(India Bike Week 2022 set to begin on 2 December in Goa)

मिळालेल्या माहितीनुसार, इंडिया बाईक विक 2022 ची ही आठवी आवृत्ती आहे. यावेळी या इव्हेंटसाठी जवळपास 14 हजार नोंदणी प्राप्त झाल्या आहेत. इव्हेंटसाठी सुरूवातीला परवानगी मिळत नव्हती, त्यानंतर ऑगस्ट 2022 मध्ये यासाठी एक समिती नेमण्यात आली. अखेर 02 डिसेंबरपासून याला सुरूवात होत आहे. यासाठी IBW ने गोव्याचे मुख्यमंत्री डॉ. प्रमोद सावंत यांचे आभार मानले आहेत.

इंडिया बाईक विक (IBW 2022) या दोन दिवसीय कार्यक्रम आयोजित केले जातात. पाच विविध रेस ट्रॅक, बाइकर्स मार्ट (इनडोअर आणि आउटडोअर एक्स्पो), बिग ट्रिप सेशन्स, लडाख टेन्ट, तीन टप्पे आणि क्लब व्हिलेज यांसारख्या अनेक कार्यक्रमांचा समावेश असतो.

बीएआर अकादमीचा विशाख डोंगराळ पायवाटेसाठी 1 तासाचे विशेष एन्ड्युरो सत्र आयोजित करणार आहे. तर Nelly, ProDirt Adventure, Motofarm आणि FMAE Motopark साठी प्रशिक्षण देईल. Moto Cross आणि डर्ट डॅशसाठी Adventure Track, Flow Track प्रशिक्षण आयोजित करणार आहेत. अशी माहिती मिळत आहे.

दरम्यान, म्हापसा येथे नोव्हेंबर महिन्यात आयोजित करण्यात आलेली मोटोरेस वादग्रस्त ठरली होती. यामध्ये गोव्यातील एका युवकाचा अपघाती मृत्यू झाला होता.