Goa News: पाटो परिसरात सार्वजनिक बांधकाम खात्याने उभा केलेला दोन एमएलडी सांडपाणी प्रक्रिया प्रकल्पाचे सोमवारी सार्वजनिक बांधकाम मंत्री नीलेश काब्राल यांच्या हस्ते लोकार्पण झाले. यावेळी महापौर रोहीत मोन्सेरात, उपमहापौर संजीव नाईक, साबांखाचे मुख्य कार्यकारी अधिकारी उत्तम पार्सेकर व इतर मान्यवर उपस्थित होते.

पाटो परिसरात एलआयसीच्या समोर दक्षिणेला सांबाखाने हा प्रकल्प उभारला आहे. या प्रकल्पामुळे पाटो परिसरातली सांडपाण्यावर आता प्रक्रिया होणार आहे.

यापूर्वी पाटो परिसरातील काही प्रमाणात सांडपाणी सांतिनेज येथील प्रक्रिया प्रकल्पात आणले जात होते. आता या प्रकल्पामुळे या परिसरातील सर्व सांडपाण्याचा प्रश्‍न मिटणार आहे. त्याशिवाय मळ्यातीलही सांडपाणी या प्रकल्पात आणले जाणार आहे.

जी-20मुळे डांबरीकरण होणार

जी-20च्या बैठकांच्या पार्श्‍वभूमीवर मुख्यमंत्र्यांनी नोडल ऑफिसरची नेमणूक केली आहे. नोडल ऑफिसरने आपल्याकडून सही घेतली आहे. रस्ते व इतर कामे करण्याचे काम या अधिकाऱ्याकडे आहे.

पणजीतील रस्त्यांचे जी-20 मुळे डांबरीकरण होणार आहे. या बैठका संपल्यानंतर पुन्हा स्मार्ट सिटी व इतर उर्वरित कामे केली जातील. त्यासाठी रस्ते पुन्हा खोदावे लागतील. पुन्हा रस्ते करायचे असल्याने खर्चही वाढणार आहे.