पिसुर्ले: पर्ये मतदार संघात येणाऱ्या होंडा पंचायतीच्या मालकीच्या जागेत उभारण्यात आलेल्या कचरा प्रक्रिया प्रकल्पाचे मंगळवारी (दि.3) दुपारी चार वाजता आरोग्य मंत्री विश्वजीत राणे तसेच पर्ये मतदार संघाच्या आमदार डॉ. दिव्या राणे यांच्या हस्ते उद्घाटन करण्यात येणार आहे. या प्रकल्पांची पायाभरणी काही दिवसांपूर्वीच सरपंच आत्मा गावकर यांच्या हस्ते करण्यात आली होती. त्यामुळे कचरा गोळा करून त्यांच्यावर तांत्रिक पद्धतीने प्रक्रिया करण्याचा प्रकल्प उभारून स्वंयपुर्ण बनलेली पाहिली पंचायत म्हणून होंडा पंचायतीची गणना झाली आहे. (Inaugurate Waste Project in Honda, Goa)

प्रकल्प उभारणीसाठी पंचायतीच्या मालकीच्या जागेचा वापर करण्यात आला आहे. तेथे होंडा पंचायत क्षेत्रातील सर्व प्रकारच्या कचऱ्यावर प्रक्रिया करून त्याची वेगवेगळी विभागाची करण्यात येणार आहे. त्याप्रमाणे सदर प्रकल्पात साधन सुविधांची उभारणी करण्यात आली आहे. या पुर्वी सदर पंचायतीच्या वतीने कचरा गोळा करून पंचायत मालकीच्या बागायती मध्ये डंप केला जात होता. त्यामुळे या परिसरात दुर्गंधीची समस्या निर्माण झाली होती.

या समस्येची दखल घेऊन होंडा पंचायतीच्या वतीने कचरा प्रक्रिया प्रकल्प उभारणीसाठी पुढाकार घेऊन काही दिवसात या प्रकल्पांचे काम मार्गी लावले आहे, त्यामुळे यापुढे होंडा पंचायत क्षेत्रातील कचऱ्याची वेळोवेळी उचल होऊन त्याची योग्य पद्धतीने विल्हेवाट लावली जाणार आहे. त्यामुळे या कचरा प्रक्रिया प्रकल्पातून रोजगार निर्मिती होण्यास फार मदत होणार आहे. आरोग्य मंत्री विश्वजीत राणे व आमदार डॉ दिव्या राणे यांची उपस्थिती, कचरा विल्हेवाट लावण्यासाठी यशस्वी ठरलेली तालुक्यातील पाहिली पंचायत