कळंगुट: कळंगुट येथील समुद्र किनाऱ्यावर पहाटे 2.45 च्या दरम्यान शॉर्ट सर्किटमुळे लागलेल्या आगीत दोन शॅक जळून खाक झाले आहेत; अग्निशमन दलाने जवळील शॅक वाचविण्यात यश मिळविले; दरम्यान 70 लाखांची रु.चे नुकसान झाल्याची नोंद झाली आहे.

(In Calangute Beach fire case mla michel Lobo's request to cm pramod Sawant)

कळंगुटचे आमदार मायकल लोबो यांनी मुख्यमंत्री प्रमोद सावंत यांना कळंगुट-बागा बीच बेल्ट परिसरात अग्निशमन दलासाठी एक किंवा दोन जलद कृतीदल पथके द्या उपलब्ध करून देण्याची विनंती केली आहे. या परिसरात अग्निशमन दलाचे कॉल वारंवार येतात यावर नुकसान टाळण्यासाठी त्वरित प्रतिसाद आवश्यक आहे.

गोव्यात आगीच्या घटनांमध्ये वाढ झाली आहे. नुकत्याच आलेल्या माहितीनुसार कळंगुट येथील समुद्र किनाऱ्यावर पहाटे 2.45 च्या दरम्यान शॉर्ट सर्किटमुळे लागलेल्या आगीत दोन शॅक जळून खाक झाले आहेत. या घटनेमध्ये सुमारे 70 लाखांचे नुकसान झाले असल्याची माहिती समोर आली आहे.

राज्यात शॉर्ट सर्किटमुळे आग लागण्याचे प्रमाण वाढत

राज्यात शॉर्ट सर्किटमुळे आग लागण्याचे प्रमाण वाढत आहे. काही दिवसांपूर्वी रावणफोंड मिलिट्री कॅम्प जवळ सकाळी एका घराला आणि खाली असलेल्या दुकानांना आग लागून सुमारे 50 लाखांचे नुकसान झाले. ही आग विजेच्या शॉर्ट सर्किट मुळे लागली असावी असा प्राथमिक अंदाज काढण्यात आला आहे. या आगीत घरासह तीन दुकाने आणि चार वाहनांची हानी झाली.

मागील महिन्यात देखील कळंगुट समुद्रकिनारी असलेल्या शॅकला आग

मागील महिन्यात देखील कळंगुट सावतावाडो येथे दुपारी समुद्रकिनारी असलेल्या शॅकला आग लागली होती. आग आटोक्यात आणण्यासाठी पिळर्णे येथील अग्निशमन दलाने अथक प्रयत्न केले. ही घटना घडली तेव्हा पर्यटक शॅकमध्ये बसले होते. सुदैवाने या घटनेत कोणीही जखमी झालेले नाही. मात्र या आगीत 10 लाख रुपयांचे नुकसान झाल्याचा अंदाज आहे.