Goa Monsoon 2024

गोव्यात पुन्हा पावसाने जोर पकडला असून हवामान खात्याने उद्या (1 ऑक्टोबर) साठी यलो अलर्ट जारी केला आहे. राज्यातील तुरळक ठिकाणी गडगडाट, वादळ आणि विजा चमकण्याचा इशारा देण्यात आलाय.

पुढच्या 48 तासांसाठी राज्यात ढगाळ वातावरण असण्याची शक्यता असून कमाल तापमान 33 अंश सेल्सिअस आणि किमान तापमान 25 अंश सेल्सिअसच्या जवळपास राहील.

हवामानशास्त्रज्ञ आणि निवृत्त NIO शास्त्रज्ञ एमआर रमेश कुमार यांच्या मते, ऑक्टोबर 2024 च्या पहिल्या किंवा दुसऱ्या आठवड्यात गोव्यात मान्सून माघार घेणे अपेक्षित आहे. मात्र तरीही रहिवाश्यांना सावधगिरी बाळगण्याचा इशारा देण्यात आला आहे.

गेल्या चोवीस तासांत राज्यात कोरडे हवामान पाहायला मिळाले. सांगेत तुरळक ठिकाणी झालेला पावासाचा शिडकावा वगळता इतर कोठेही पावसाने हजेरी लावली नाही. दरम्यान, राजधानी पणजीसह प्रमुख शहरातील तापमानाचा पारा वाढला आहे.

दरम्यान, राज्यात आत्तापर्यंत १७३.२५ इंच (४४००.७ मिमी) पावसाची नोंद झाली आहे. यावर्षी गोव्यात सरासरीपेक्षा पावसाचे प्रमाण ४६.७ टक्के जास्त आहे.