शापारो येथे मामलेदार आणि पोलिसांनी मोठी कारवाई केली आहे. शापोरा नदी किनारी मोठा अवैध वाळू साठा सापडला असून, पोलिसांनी तब्बल आठ ट्रक वाळू जप्त केली आहे. हणजूणे पोलिस, खाण विभागाचे सहाय्यक भूवैज्ञानिक ओंकार नाईक गावकर यांच्या समन्वयाने ही कारवाई करण्यात आली.

बार्देशचे मामलेदार प्रविण गवस, खाण विभागाचे सहाय्यक आणि भूवैज्ञानिक ओंकार नाईक गावकर, ओशेल ग्रामपंचायत तलाठी सुमित शिरोडकर आणि हणजूणे व किनारपट्टी पोलिस यांच्या पथकाने ही ठिकाणाची पाहणी करून अवैध वाळू साठा जप्त केला आहे.

भविष्यात अशा प्रकारच्या घटना घडू नयेत यासाठी या प्रकरणाकडे गांभीर्याने पाहावे आणि सक्त कारवाई करावे अशी सूचना हणजूण पोलिसांना देण्यात आल्या आहेत.