Illegal Sand Extraction: शिवोलीमध्ये सुरू असलेल्या अवैध वाळू उत्खननाच्या दोन ठिकाणी पोलिसांनी छापा टाकत कारवाई केली. यावेळी बार्देशचे मामलतदार प्रवीण गवस यांच्यासह खाण आणि भूविज्ञान विभागाचे अधिकारी सहभागी होते. काल (मंगळवारी) पहाटे दोन भरलेले ट्रक, एक रिकामा ट्रक आणि एक वाळू उपसण्याचे मशीन जप्त करण्यात आले आहे.

याबाबत प्रवीण गवस म्हणाले की, भागात अवैध वाळू उपसा होत असल्याची माहिती आम्हाला मिळाली होती. याबाबत अनेक तक्रारी आल्या ज्यामुळे स्थानिकांची गैरसोय होत होती. त्यामुळे आम्ही चार ठिकाणी छापे टाकले, यामधील दोन ठिकाणी अवैध वाळू उपसा सुरू असल्याचे आमच्या निदर्शनास आले.

दरम्यान, छाप्याची खबर मिळताच दुसऱ्या जागेवरील कामगारांनी धूम ठोकली. वाळू उपसा करणाऱ्या कामगारांनी आम्ही छापा टाकत असल्याची माहिती मिळताच वाळूने भरलेला एक ट्रक जागेवरच सोडून ते तिथून पळून गेले.

यानंतर ट्रक पोलिसांकडे सुपूर्द करण्यात आला असून, संबंधित विभागाकडून पुढील तपास सुरू आहे.