फातोर्डा: कुडतरी येथील जुझे डिसोजा याला बेकायदेशीर रेती वाहतूक प्रकरणी कुडतरी पोलिसांनी अटक केली. त्याला मडगाव सत्र न्यायालयात हजर केले असता न्यायालयाने 25 हजार रुपयांच्या वैयक्तिक बॉण्ड व तितक्याच रुपयांच्या जामीनावर सोडण्याचे आदेश दिले आहेत. डिसोजा याने न्यायालयात अटकपूर्व जामीन मिळवा म्हणून अर्ज केला होता. त्यावर न्यायालयाने हा निर्णय दिला आहे. (Illegal Sand Extraction in Goa)

अतिरिक्त सत्र न्यायाधीश व्हिन्सेंट डिसिल्वा यांच्या न्यायालयाने हा आदेश दिला आहे. आरोपीच्यावतीने एड जे. मार्टिन यांनी काम पाहिले. या विषयी मायणा कुडतरी पोलिस स्थानकाच्या उपनिरीक्षक करिष्मा प्रभू यांनी पोलिस (Police) तक्रार दाखल केली होती. ट्रक चालक जुझे डिसोजा यांच्यावर बेकायदेशीर रेती वाहतूक केल्याप्रकरणी गुन्हा दाखल करण्यात आला होता. या ट्रकमध्ये एकंदरीत 16 हजार रुपयांची बेकायदेशीररित्या वाहतूक केलेली रेती सापडली होती.

न्यायालयाने (Court) दिलेल्या आदेशानुसार, आरोपीने सकाळी 11 ते दुपारी 1 वाजे पर्यंत पोलिस स्थानकात चौकशीसाठी हजर राहावे असे सुचविले आहे. आणि या आदेशाचा भंग केल्यास मंजूर करण्यात आलेला जमीन रद्द करण्याचा अधिकार पोलिसांना असल्याचे जरी केलेल्या आदेशात म्हटले आहे.