गोवा राज्यातून मध्य प्रदेशकडे अवैधरित्या मद्यसाठा घेऊन जाणाऱ्या एकाला पोलिसांनी ताब्यात घेतले आहे. या कारवाईत संशयिताकडून सुमारे 13 लाख 35 हजार रुपयाचा दारुसाठा जप्त केला आहे. तसेच चालक वैभव यादव याला अटक करण्यात आली आहे.

( illegal Liquor stock worth 13 lakhs going to Madhya Pradesh seized at Anmod Excise Checkpost )

मिळालेल्या माहितीनुसार आज दिनांक 29 ऑक्टोबर रोजी दुपारी 12.45 वाजता वैभव यादव हा चारचाकीतून गोवा बनावटीचा 75.7 लिटर दारुसाठा चारचाकीतून घेऊन जात होता. यावेळी अनमोड तपासणी नाक्यावर अबकारी खात्याने केलेल्या कारवाईत यादवला अटक केली आहे. या कारवाईत पोलिसांनी संशयिताकडून एका चारचाकीसह सुमारे 13 लाख 35 हजार रुपयाचा दारुसाठा जप्त केला आहे.

याबाबत अधिक तपास सुरु आहे. मात्र मोले चेकनाक्यावरुन ही गाडी पार झालीच कशी ? या विषयी ग्रामस्थांनी शंका व्यक्त केली आहे. तसेच मोले तपासणी नाक्यावरुन निघताना संशयिताने आणखी काही मार्ग अवलंबला आहे का? याचा तपास सुरु असल्याची माहिती पोलिसांनी दिली आहे.