वास्को: मुरगाव तालुक्यातील वास्को पोलिस स्थानकातर्फे ‘शांती समिती’ स्थापन करून मुस्लिम बांधवांसाठी ‘इफ्तार’ पार्टीचे आयोजन केले होते. यावेळी मुरगाव तालुक्यातील विविध देवस्थान समितीचे सदस्य, मशीद समिती व बिगर सहकारी संस्थांचे पदाधिकारी उपस्थित होते.

मुरगाव तालुक्याचे पोलिस उपअधीक्षक नीलेश राणे यांनी वरिष्ठ अधिकाऱ्यांच्या मार्गदर्शनाखाली वास्को पोलिस स्थानकात ‘शांती समिती’ स्थापन केली. श्री रामनवमीदिनी बायणा येथे दोन गटांतील वादामुळे धार्मिक कलह निर्माण झाला होता. यामुळे गृह विभागाच्या वरिष्ठ पोलिस अधिकाऱ्यांनी वास्कोसह इतर ठिकाणी धार्मिक कलह निर्माण होऊ नये म्हणून ‘शांती समिती’ स्थापन करण्याचे ठरविले आहे.