Churchill Alemao: गोव्याला 19 डिसेंबर 1961 रोजी पोर्तुगीजांच्या जुलमी राजवटीतून स्वातंत्र्य मिळाले. गोव्याचा मुक्तिदीन साजरा होत असताना राज्याचे माजी मुख्यमंत्री चर्चिल आलेमाव यांनी केलेल्या वक्तव्याने सर्व स्तरातून संताप व्यक्त होत आहे.

मी पोर्तुगीजांना सलाम करतो असे गोवा मुक्तिदिनी आलेमाव यांनी वक्तव्य केल्याने नव्या वादाला तोंड फुटले आहे.

चर्चिल आलेमाव यांनी प्रसारमाध्यमांशी संवाद साधला त्यावेळी त्यांनी हे वक्तव्य केले.

चर्चिल आलेमाव काय म्हणाले?

पोर्तुगीजांनी जाताना 1962 पूर्वी जन्मलेल्या गोमन्तकीयांना पोर्तुगीज नागरिकत्व मिळवण्याची दारे खुली केली. यामुळे सासष्टी तालुक्यातील गरिबी मोठ्या प्रमाणावर कमी झाली असा अजब दावा आलेमाव यांनी केला. नागरिकत्व मिळत असल्याने गोव्यातील नागरिकांना युरोपियन देशात नोकरी मिळू शकते असेही आलेमाव म्हणाले.

राज्यात बेरोजगारी वाढत आहे, सरकार सर्वांना नोकरी देऊ शकत नाही. नागरिकत्वामुळे विदेशात नोकरी करण्याचा मार्ग मोकळा झाला आहे. त्यामुळे नागरिकत्वाच्या तरदुतीसाठी मी मी पोर्तुगीजांना सलाम करतो असे वक्तव्य आलेमाव यांनी केले.