पणजी: गोव्यात सुट्टीसाठी आलेल्या हैदराबादमधील युवक मदुगुला कार्तिक याच्याशी दोन युवकांनी मैत्री करून त्याच्यासोबत एकाच हॉटेलात आणि त्याच्याच खोलीत राहून त्याचे तब्बल ५.७ लाख रुपये चोरून पलायन केले.
दरम्यान, याची तक्रार कार्तिक यांनी मंगळवारी पणजी पोलिसांना दिली असता पोलिसांनी अवघ्या २४ तासांत संशयित थुमु रवितेजा (हैदराबाद) व शेख अश्रफ (तेलंगणा) यांना अटक केली.
पोलिसांनी दिलेल्या माहितीनुसार पणजीतील ट्री हाऊस नेप्च्यून हॉटेलच्या १०१ नंबर खोलीमध्ये तक्रारदार आणि त्याचे नवीनच झालेले दोन मित्र थांबले होते. तक्रारदाराशी ओळख करणारे दोन्ही प्रवासी होते आणि अनोळखी असूनही या दोघांनी कार्तिकशी दोस्ती करून त्याचा विश्वास संपादन केला व त्यांच्याबरोबर रूम शेअर करण्यास त्याला भाग पाडले.
मंगळवारी पहाटेपासून दुपारी तीन वा.च्या सुमारास या दोघांनी कार्तिकच्या बॅगेतील रक्कम चोरली आणि खोली सोडून ते गायब झाले. हे समजल्यावर कार्तिकने हॉटेलवरून थेट पोलिस ठाण्यात धाव घेतली.
संशयितांना अटक
कार्तिकने तक्रार दिल्यानंतर प्रकरण गांभीर्याने घेऊन पोलिसांनी सीसीटीव्ही फुटेजचा आधार घेऊन संशयितांना पकडले. पोलिस निरीक्षक विजयकुमार चोडणकर यांच्या नेतृत्वाखालील टीमने संशयितांना बुधवारी अटक केली. ही कारवाई उपअधीक्षक सुदेश नाईक आणि उत्तर गोव्याचे पोलिस अधीक्षक राहुल गुप्ता यांच्या देखरेखीखाली पार पडली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.