कुडतरी: दारुच्या नशेत असणाऱ्या पतीने बायकोवर चाकू हल्ला केल्याची घटना १५ ऑगस्ट रोजी कुडतरीत घडली. या हल्ल्यात महिला गंभीर जखमी झाली असून, तिच्यावर गोवा वैद्यकीय महाविद्यालयाच्या रुग्णालयात उपचार सुरु आहेत. पोलिसांनी संशयित पतीला अटक केलीय.

याप्रकरणी मायणा-कुडतरी पोलिस ठाण्यात गुन्हा नोंद करण्यात आला आहे. पोलिसांनी संशयित पती जेकम फर्नांडिस याला अटक केली आहे.

मिळालेल्या माहितीनुसार, संशयित जेकमने दारुच्या नशेत पत्नीवर चाकू हल्ला केला. किचनमध्ये असणाऱ्या चाकूने त्याने हल्ला केल्याचे उघडकीस आले आहे.

या महिला गंभीर जखमी झाली आहे. तिच्या पोटात जखम झाली असून, गोमेकॉत तिच्यावर उपचार सुरु आहेत. पोलिसांनी संशयित पतीला अटक केली असून, अधिक तपास सुरु आहे.