Canacona News

डिचोली: ''जुलूस'' वरून काणकोणमध्ये निर्माण झालेला गुंता सरकारने सामोपचाराने मिटवावा, अशी मागणी मुस्लिम महासंघाने केली आहे. तशी मागणी करणारे निवेदन मुस्लिम महासंघातर्फे रविवारी डिचोली पोलिसांना देण्यात आले आहे.

या प्रश्नावरून कोणीही कायद्या विरोधात जाऊ नये, अशी मागणीही महासंघाने केली आहे. ''जुलूस'' काढण्यावरून काणकोणमध्ये सध्या गुंता निर्माण झाला आहे. हिंदुत्ववादी संघटनांच्या विरोधामुळे प्रशासकीय यंत्रणेने ''जुलूस''ला तिसऱ्यांदा परवानगी नाकारली आहे.

त्यातच काहीजण समाज माध्यमावरून भावना दुखावणारे वादग्रस्त पोस्ट करीत आहेत, असा दावा करून या प्रकाराबद्दल मुस्लिम बांधवांनी नाराजी व्यक्त केली आहे. मुस्लिम महासंघाच्या बॅनरखाली डिचोलीतील मुस्लिम बांधवांनी शांत मार्गाने डिचोली पोलिस स्थानकावर धडक दिली.