देशातील सर्वात लहान राज्य असलेल्या गोव्यातील 40 जागांसाठी आज मतदान पार पडले. राज्यात आज एकाच टप्प्यात मतदान झाले. यासाठी सकाळी 7 वाजल्यापासून मतदानाला सुरुवात झाली होती. पहिल्या दोन तासांत म्हणजे सकाळी 9 वाजेपर्यंत गोव्यात 11.04 टक्के मतदान झाले. सकाळी 11 पर्यंत हा आकडा 26.63% पर्यंत वाढला. दुपारी 1 पर्यंत, हा आकडा 44.63% पर्यंत वाढला. तसेच त्याच वेळी, संध्याकाळी 6 पर्यंत, हा आकडा 44.63% पर्यंत वाढला. गोव्यात 5 वाजेपर्यंत 75.29% मतदान पार पडले.

दरम्यान, संपूर्ण राज्यासह देशातील जनतेचे लक्ष लागून असलेल्या म्हणजेच साखळी (sankhalim) मतदारसंघात सर्वाधिक 88% मतदान झाले आहे. मतदार नेमका कोणाला संधी देणार हे येत्या 10 मार्चला कळणार आहे. भाजपा (BJP) उमेदवार तथा राज्याचे मुख्यमंत्री प्रमोद सावंत (Pramod Sawant) यांना कॉंग्रेस (Congress) उमेदवार धर्मेश सलगानी यांचे तगडे आवाहन आहे. त्यामुळे आता मुख्यमंत्री प्रमोद सावंत यांच्या मतदार संघाकडे सर्वांचे लक्ष लागले आहे.