वास्को: वास्कोत आज पावसाने जोरदार हजेरी लावली. अचानक पडलेल्या पावसामुळे नागरिकांची तारांबळ उडाली. त्यामुळे जनजीवन विस्कळीत झाले.

(Heavy rain in vasco goa area)

आठवडाभराच्या विश्रांतीनंतर आज पावसाने सायंकाळी 5 वाजल्यापासून जोर धरला. त्यामुळे लोकांची तारांबळ उडाली. सुमारे दोन तास पडलेल्या पावसामुळे रस्ते पाण्याखाली गेले होते. तसेच कार्यालयातील कर्मचाऱ्यांना पाऊस थांबेपर्यंत वाट बघत राहावे लागले.

काही नागरिकांना भिजत जाण्याची वेळ आली, तर काही ना संध्याकाळी सात वाजेपर्यंत एका ठिकाणी पाऊस जाण्याची वाट बघत रहावे लागले. जोरदार पावसाने वास्कोतील स्वतंत्र पथ मार्ग संपूर्ण पाण्याखाली गेला होता. तसेच वाहने पाण्यात उभी करून काहींना आसरा घ्यावा लागला. जोरदार वाऱ्यासह पावसाने हजेरी लावल्याने नागरिकांची बरीच तारांबळ उडाल्याचे चित्र सर्वत्र दिसत होते.