Rape case: महसूल मंत्री बाबूश मोन्‍सेरात यांचा सहभाग असलेल्‍या 2016 च्‍या अल्‍पवयीन मुलीवरील बलात्‍कार प्रकरणात आज दक्षिण गोव्‍याचे खास न्‍यायाधीश इर्शाद आगा यांच्‍यासमोर सुनावणी होऊन एका साक्षीदाराची उलट तपासणी संशयिताच्‍या वकिलानी घेतली.

या प्रकरणाची पुढील सुनावणी आता 17 जानेवारीला होणार असून त्‍या दिवशी साक्षीसाठी आणखी एका साक्षीदाराला समन्‍स बजावण्‍यात आले आहे. 2016 साली मे महिन्‍यात पणजी महिला पोलीस स्‍थानकात हे प्रकरण नोंद झाले होते.

आमदार असलेले मोन्‍सेरात यांनी एका अल्‍पवयीन मुलीला तिच्‍या आईकडून 50 लाख रुपयाला विकत घेतले आणि नंतर गुंगीचे औषध पाजून तिच्‍यावर बलात्‍कार केला, असा आरोप त्‍यांच्‍यावर ठेवण्‍यात आला आहे. त्‍या मुलीची आई या प्रकरणात सहयोगी आरोपी आहे.