काणकोण: सामाजिक आरोग्य केंद्रात तरुणाचा गूढ मृत्यू झाला आहे. रात्री झोपी गेलेला तरुण सकाळी उठलाच नाही. तरुण काहीच प्रतिक्रिया देत नसल्याने त्याला मृत घोषित करण्यात आले. तरुणाचा मृतदेह शविच्छेदनासाठी दक्षिण गोवा जिल्हा रुग्णालयात पाठविण्यात आला आहे.

मिळालेल्या माहितीनुसार, एका तरुणावर काणकोण आरोग्य केंद्रात उपचार सुरु होते. छत्तीसगडची रहिवासी तरुणाची गर्लफ्रेन्ड त्याच्यासोबत दवाखान्यात होती. तरुण रात्री झोपी गेला, झोप लागल्याचे समजून सर्वांनी त्याच्याकडे दुर्लेक्ष केले.

दरम्यान, सकाळी तरुण काहीच प्रतिक्रिया देत नसल्याने तपासणी केली असता त्याचा मृत्यू झाल्याचे उघडकीस आले. पोलिसांनी घटनेची दखल घेत तरुणाचा मृतदेह ताब्यात घेत, शवविच्छेदनासाठी दक्षिण गोवा जिल्हा रुग्णालयात पाठविण्यात आले.

शवविच्छेदन अहवालानंतर तरुणाच्या मृत्यूचे कारण स्पष्ट होणार आहे. तरुणाच्या मृत्यूचे कारणाचा शोध आणि इतर तपास सुरु आहे.